XX. mendeko Euskararen Corpus estatistikoa

Testuingurua

Igo Etapa: Euskal Prehistoriaren Hastapenak

Hemen jasoko dira batez ere XVII, XVIII eta XIX. mendearen haseran jendearen jakinnahia pizten zuten protohistoriaren ezaugarri batzuen aipamenak.

Egia esateko, aurreko mendearen bukaeran eta gure mende honen haseran lehenengo indusketa arkeologikoak ere hasiko dira interesa zientifikoagoa biuhurtzen delarik.

Horrela, G. de Otalora-k 1634an Mikeldiko Idoloa aipatuko du eztabaida handi baten barnean.

(Berriro 1768an F. de Florez-en La Cantabria liburuan eztabaida berpiztuko zen).

1710an F. Ondarrak dionez, Baztan eta Maia-ko mugarriak bilatzen ari zirenean, eta Luruko-zokoako hamalaugarren mugarria eta Luruko-gaineko hamaseigarrena ikusi ondoren Hamaseigarrena Lurucoateac deituriko parajean aurkitu zuten, harrizko zirkulu baten ondoan, arakabuzaren tiro bat iristen denerako distantziara.

1827an Gastiburuko (Gernika-Mendata) trintxeretan bere baserria eraikitzera zihoanean, 8 edo 10 pulgadetako iruditxo bat aurkitu zuen, Juno edo Venusena, eta baita ere inskrizio batzu eta esku-errotak.

Horren ondorioz, Diputazioak M. Novia de Salcedo eta A. Echevarria bidali zituen indusketak egitera gauz handirik ez bazuten aurkitu ere.

1894an J. Iturralde eta Suit Jaunak Atako zutarria aurkitu zuen Nafarroako Aralarrean, hurrengo urtean industuko zuena.

Harrigarria da nola 1912, 14 eta 15ean hiru indusketa egin ziren Egiar, Okabe eta Errengako harrespiletan, P.M. Soraluze, R. Gombault eta T. de Aranzadik zuzenduak, monumentu hauek sortzen zuten jakinmina handia baitzen.

II. Etapa: Euskal Herriko Prehistoriaren sendotzea: (1916-1936)

Sendotze garaia deritzogu, Aranzadi-Barandiaran-Eguren lan taldea sortu zelako.

Hauek, haitzulo eta trikuharrietan egin bazituzten bere lan garrantzitsuenak, (...).